30 жыл бойы даму және ілгерілеу. «ФитОлеум» ЖШС фармацевтикалық компаниясы өз мерейтойын атап өтті. ҚазҰМУ Фармация мектебі 30 жыл бойы «ФитОлеум» компаниясының жетекші серіктесі болып, оны кәсіпқой мамандармен қамтамасыз етіп келеді. «ФитОлеум» ЖШС негізінде, «Фармация» және «Фармацевтикалық өндіріс технологиясы» мамандығы бойынша магистрлік және PhD докторлық диссертациялық жұмыстарын орындау аясында ғылыми зерттеулер орындалады. Дәрілік препараттарды жасауға бағытталған инновациялық технологиялар, жаңа тәсілдемелер, классикалық технологиялық тәсілдердің ең жаңа үрдістермен үйлесуі, компанияның ғылыми әлеуеті сапалы, тиімді және қауіпсіз препараттарды жасап шығаруға кепілдік береді.
