Фитолеум Қызыл май бүріккішпен, полифитті май

Қолданылуы

Кешенді ем құрамында:

• ринитте, тонзиллитте, ларингитте, трахеитте, бронхитте, пневмонияда,
• гастритте, асқазан мен он екі елі ішек ойық жара аурларында, колитте,
• энтероколитте, проктитте, геморройда,
• жатыр мойыны эрозиясында, кольпитте, цервитте, циститте, простатитте,
• термиялық, химиялық және сәулеленуден кейінгі күйіктерде,
• тесілулерде, дерматиттерде, дерматоздарда, баяу жазылатын, оның ішінде жұқпалы жаралар мен ойық жараларда.

Қолдану тәсілі және дозалары

Тыныс алу жолдары аурулары кезінде:

• Мұрын жолдарының шырышты қабықтарына күніне 1-3 рет жағу түрінде. Емдеу курсы – 2-6 апта.
• Ішке тамақтанардан 20-30 минут бұрын ересектерге 1 шай қасықтан, балаларға 3 жастан бастап 1/2 шай қасықтан күніне 2-3 рет. Емдеу курсы – 2-6 апта.

Асқазан-ішек жолының аурулары кезінде:

• 1/2 шай қасықтан күніне 4-6 рет тамақтанардан 1 сағат бұрын қышқыл сүт өнімдері, кисель немесе балмен ішу керек. Емдеу курсы 4-8 апта.
• Простатитте, проктитте, геморройда препаратты клизма түрінде (ішекті алдын ала тазалаған соң) күніне 10-15 мл-ден 1 рет енгізеді, емдеу курсы 20-25 емшара.
  Сыртқа – анус сызаттары, геморрой кезінде күніне 2-3 рет жағу керек.

Тері және шырышты қабықтың күйіктері, тесілулері, сәулемен зақымданулары кезінде:

• Өңезден тазаланған беткейге майды жағып, күн сайын ауыстырып тұратын дәке таңғышты салады.

Көмей, өңеш, асқазан обырын сәулемен емдеуде:

• Тамақтанған соң 1/2 шай қасықтан күніне 6-8 рет сәулемен емдеудің бүкіл курсы бойы және одан әрі тағы 2-3 апта.

Гинекологиялық аурулар кезінде:

• бүркіп-сулау түрінде, майға малынған тампондарды қынапқа енгізеді, емдеу курсы 20-30 емшара.

Біздің басқа өніміміз – Фитолеум Қызылмай суппозиторийлеріне назар аударыңыз. Бұл, Қызыл майды қамтитын тығындәрі түріндегі аса ыңғайлы нұсқа.

Препаратты бүріккіші бар құтыда қолдану тəсілі

1. Алғашқы ашулуы бақыланатын қақпақты бұрап ашыңыз.
2. Құтының мойнынан тамшылатқыш тығынды шығарып алыңыз.
3. Бүріккішті бөтелкенің мойнына салыңыз жəне мықтап бұраңыз.
4. Бүріккіштің басынан қорғаныс қалпақшасын шешіп алыңыз.
5. Бүріккіш түтікті жоғары немесе бүйіріне қаратып қойыңыз.
6. Бүріккішті бірінші рет қолданар алдында бүріккіштің басын 3-4 рет абайлап басыңыз, сонда ерітінді бүріккішке келіп түседі жəне басқаннан кейін шашырайды.
7. Құтыны қолданған кезде, бүріккіш бөтелкенің жоғарғы жағына немесе бір жағына қарап орналасуы үшін, құтыны тігінен ұстау керек.

Арнайы ескертулер

Препаратты косметикалық тәжірибеде пайдалануға болады. Препарат иммунитет қорғанысы төмендеуімен қатар жүретін ауруларды емдегенде жалпы нығайтатын витаминді зат ретінде ұсынылуы мүмкін.

Педиатрияда қолдану

• Фитолеум Қызыл майды балалар тәжірбиесінде 3 жастан бастап ұсынылғаннан аспайтын дозада тағайындайды.

Жүктілік және лактация кезеңі

• Жүкті əйелдерде жəне бала емізу кезеңінде Қызыл май, полифитті майын қолдану туралы деректер жеткіліксіз. Алдын алу шарасы ретінде Қызыл май майын жүктілік кезінде жəне бала емізу кезінде қолдануға болмайды.

Біздің басқа өніміміз – Фитолеум Қызылмай суппозиторийлеріне назар аударыңыз. Гинекологиялық, проктологиялық және урологиялық ауруларға қатысты жағдайда, оларды нұсқаулыққа сәйкес жүктілік және лактация кезеңінде кешенді терапияда қолдануға болады.

Жағымсыз әсерлері

Жағымсыз əсерлер жүйелік-ағзалық класстар мен жиілігі бойынша мынадай жіктемеге сəйкес төменде келтірілген: өте жиі (≥1/10), жиі (≥ 1/100 <1/10 дейін), жиі емес (≥1/1000 <1/100 дейін), сирек (≥1/10,000 <1/1000 дейін), өте сирек (<1/10,000), жиілігі белгісіз (жиілігі белгісіз жағымсыз реакциялар, себебі қолда бар деректердің негізінде бағалау мүмкін емес).

Сирек:
– қышыну, күйдіру, гиперемия.

Жағымсыз құбылыстар және басқа да реакциялар пайда болған кезде препаратты қолдануды тоқтатқан жөн.

Қолдануға болмайтын жағдайлар

• əсер етуші заттарға немесе қосымша заттарға аса жоғары сезімталдық,
• 3 жасқа дейінгі балалар,
• жүктілік жəне бала емізу кезеңі.

Қолдану кезіндегі қажетті сақтық шаралары

• Қатысты емес

Басқа дəрілік препараттармен өзара əрекеттесуі

• Анықталмаған

Азық-түлікпен, сусындармен жəне алкогольмен өзара əрекеттесуі

• Өзара əрекеттесуге зерттеу жүргізілген жоқ

Препараттың көлік құралын немесе қауіптілігі зор механизмдерді басқару қабілетіне əсер ету ерекшеліктері

• Әсер етпейді

Артық дозалануы

• Анықталмаған

Сақтау шарттары

25°С-ден аспайтын температурада сақтау керек. Пайдаланар алдында шайқау керек! Балалардың қолы жетпейтін жерде сақтау керек!

Сақтау мерзімі

2 жыл. Ашқаннан кейін сақтау мерзімі – 30 күн. Жарамдылық мерзімі өткеннен кейін қолдануға болмайды.

Дəріханалардан босатылу шарттары

Рецептісіз.